Azamattardyń quqyǵynyń buzylmaýyna múddelimin. «Habar» telearnasyna suhbat bergen Memleket basshysy Qasym-Jomart Toqaev osylai aitty, dep habarlaidy QazAqparat.
«Azamattar alańdaýshylyq tanytýda, ony túsinýge bolady. Sondyqtan men Bas prokýratýraǵa árbir oqiǵa boiynsha tergeý júrgizýdi tapsyrdym. Sonymen qatar buqaralyq aqparat quraldarynan tanymal quqyq qorǵaýshy Aiman Omarovanyń basshylyǵymen qoǵamdyq komissiia qurylǵanyn bildim. Men bul sheshimge qoldaý bildiremin. Shynymen de bizge qazir oryn alyp jatqan, qaiǵyly kúnderi oryn alǵan jaittardy jan-jaqty anyqtaý úshin táýelsiz qoǵamdastyqty tartý qajet», dedi Memleket basshysy.
Qazaqstan Prezidenti Adam quqyqtary jónindegi ombýdsmen Elmira Ázimova, tanymal quqyq qorǵaýshy Jemis Turmaǵambetovalar tergeý oryndaryna baryp, ustalǵandarmen kezdesý ótkizip jatqanyn, olardy ustaý jaǵdailarymen tanysyp, shaǵymdaryna qulaq asatyndyǵyn basa aitty.
«Bul óte paidaly jumys dep sanaimyn. Memleket basshysy retinde azamattardyń quqyqtarynyń buzylmaýyna múddelimin. Árbir jaǵdai tergelýi tiis», - dedi Qasym-Jomart Toqaev.
