ازاماتتاردىڭ قۇقىعىنىڭ بۇزىلماۋىنا مٷددەلٸمٸن. «حابار» تەلەارناسىنا سۇحبات بەرگەن مەملەكەت باسشىسى قاسىم-جومارت توقاەۆ وسىلاي ايتتى, دەپ حابارلايدى قازاقپارات.
«ازاماتتار الاڭداۋشىلىق تانىتۋدا, ونى تٷسٸنۋگە بولادى. سوندىقتان مەن باس پروكۋراتۋراعا ەربٸر وقيعا بويىنشا تەرگەۋ جٷرگٸزۋدٸ تاپسىردىم. سونىمەن قاتار بۇقارالىق اقپارات قۇرالدارىنان تانىمال قۇقىق قورعاۋشى ايمان وماروۆانىڭ باسشىلىعىمەن قوعامدىق كوميسسييا قۇرىلعانىن بٸلدٸم. مەن بۇل شەشٸمگە قولداۋ بٸلدٸرەمٸن. شىنىمەن دە بٸزگە قازٸر ورىن الىپ جاتقان, قايعىلى كٷندەرٸ ورىن العان جايتتاردى جان-جاقتى انىقتاۋ ٷشٸن تەۋەلسٸز قوعامداستىقتى تارتۋ قاجەت», دەدٸ مەملەكەت باسشىسى.
قازاقستان پرەزيدەنتٸ ادام قۇقىقتارى جٶنٸندەگٸ ومبۋدسمەن ەلميرا ەزٸموۆا, تانىمال قۇقىق قورعاۋشى جەمٸس تۇرماعامبەتوۆالار تەرگەۋ ورىندارىنا بارىپ, ۇستالعاندارمەن كەزدەسۋ ٶتكٸزٸپ جاتقانىن, ولاردى ۇستاۋ جاعدايلارىمەن تانىسىپ, شاعىمدارىنا قۇلاق اساتىندىعىن باسا ايتتى.
«بۇل ٶتە پايدالى جۇمىس دەپ سانايمىن. مەملەكەت باسشىسى رەتٸندە ازاماتتاردىڭ قۇقىقتارىنىڭ بۇزىلماۋىنا مٷددەلٸمٸن. ەربٸر جاعداي تەرگەلۋٸ تيٸس», - دەدٸ قاسىم-جومارت توقاەۆ.
