Memleket basshysy Qasym-Jomart Toqaev Úkimetke shet eldermen, ásirese jaǵdai kúrdelenip turǵan memlekettermen jol qatynasyn barynsha ońtailandyrýdy tapsyrdy, dep habarlaidy "Ult aqparat".
«Birinshiden, basqa memleketterde epidemiologiialyq ahýaldyń kúrdelenýine bailanysty memlekettik shekaradaǵy ótkizý beketterinde baqylaýdy kúsheitý kerek. 2020 jyldyń 5 qazanyndaǵy jaǵdai boiynsha, Reseide koronavirýs juqtyrýdyń 12 608 (ósim shamamen 1 paiyz), Ózbekstanda 374 (ósim 0,5 paiyz), Qyrǵyzstanda 244 jaǵdai (ósim 0,5) tirkeldi», - dedi Prezident koronavirýs indetiniń ekinshi kezeńine daiyndyq máseleleri boiynsha keńeste sóilegen sózinde.
Prezidenttiń esepteýinshe áýejailarda, temirjol vokzaldarynda qatań epidemiialyq baqylaý rejimin qaita engizip, «qyzyl aýmaqtan» keletin adamdardy ekspress-testileýden ótkizý máselesin jolǵa qoiý kerek.
«Úkimet shet eldermen, ásirese jaǵdai kúrdelenip turǵan memlekettermen jol qatynasyn barynsha ońtailandyrý kerek», - dedi ol.
