مەملەكەت باسشىسى قاسىم-جومارت توقاەۆ ٷكٸمەتكە شەت ەلدەرمەن, ەسٸرەسە جاعداي كٷردەلەنٸپ تۇرعان مەملەكەتتەرمەن جول قاتىناسىن بارىنشا وڭتايلاندىرۋدى تاپسىردى, دەپ حابارلايدى "ۇلت اقپارات".
«بٸرٸنشٸدەن, باسقا مەملەكەتتەردە ەپيدەميولوگييالىق احۋالدىڭ كٷردەلەنۋٸنە بايلانىستى مەملەكەتتٸك شەكاراداعى ٶتكٸزۋ بەكەتتەرٸندە باقىلاۋدى كٷشەيتۋ كەرەك. 2020 جىلدىڭ 5 قازانىنداعى جاعداي بويىنشا, رەسەيدە كوروناۆيرۋس جۇقتىرۋدىڭ 12 608 (ٶسٸم شامامەن 1 پايىز), ٶزبەكستاندا 374 (ٶسٸم 0,5 پايىز), قىرعىزستاندا 244 جاعداي (ٶسٸم 0,5) تٸركەلدٸ», - دەدٸ پرەزيدەنت كوروناۆيرۋس ٸندەتٸنٸڭ ەكٸنشٸ كەزەڭٸنە دايىندىق مەسەلەلەرٸ بويىنشا كەڭەستە سٶيلەگەن سٶزٸندە.
پرەزيدەنتتٸڭ ەسەپتەۋٸنشە ەۋەجايلاردا, تەمٸرجول ۆوكزالدارىندا قاتاڭ ەپيدەمييالىق باقىلاۋ رەجيمٸن قايتا ەنگٸزٸپ, «قىزىل اۋماقتان» كەلەتٸن ادامداردى ەكسپرەسس-تەستٸلەۋدەن ٶتكٸزۋ مەسەلەسٸن جولعا قويۋ كەرەك.
«ٷكٸمەت شەت ەلدەرمەن, ەسٸرەسە جاعداي كٷردەلەنٸپ تۇرعان مەملەكەتتەرمەن جول قاتىناسىن بارىنشا وڭتايلاندىرۋ كەرەك», - دەدٸ ول.
