Atyraýda jylyna 6 myń tonna metall qurylǵylaryn shyǵaratyn óndiris iske qosyldy. Kásiporyn jumysynyń bastalýyna búgin «Jańa indýstriialandyrý: qazaqstandyq barystyń qadamy» ulttyq telekópiri barysynda Memleket basshysy Nursultan Nazarbaev ruqsat berdi, dep habarlaidy QazAqparat.
«Robotty júieni engizý arqyly shyǵarylatyn metall qurylǵylarynyń jyldyq kólemin 6 myń tonnaǵa deiin arttyrýǵa múmkindik beredi. Biz 50 jańa joǵary tehnologiialy jumys ornyn qurdyq. Investitsiia kólemi 2,5 mlrd teńgeden asady. Biz munai-gaz salasynyń halyqaralyq jobalaryndaǵy otandyq kompaniia úlesin arttyrǵymyz keledi. Prezident myrza, óndirisimizdi iske qosýyńyzdy suraimyz», - dedi «JigerMunaiServis» JShS direktory Rafik Muhatov.
Óz kezeginde Qazaqstan Prezidenti jańa óndiris ornynyń jumysyn bastaýǵa ruqsat berip, zor tabystar tiledi.
«Biz munai men gazǵa bai el sanalamyz. Búginde kún tártibinde bizdiń shikizattarymyzdy qaita óńdeý máselesi tur. Sol arqyly qosylǵan qunyn arttyryp, mol qarajat tabý qajet. Sondyqtan bul nysandar óte mańyzdy», - dep atap ótti Elbasy óndiris oshaǵyn iske qosý kezinde.
.jpeg)