اتىراۋدا جىلىنا 6 مىڭ توننا مەتالل قۇرىلعىلارىن شىعاراتىن ٶندٸرٸس ٸسكە قوسىلدى. كەسٸپورىن جۇمىسىنىڭ باستالۋىنا بٷگٸن «جاڭا يندۋسترييالاندىرۋ: قازاقستاندىق بارىستىڭ قادامى» ۇلتتىق تەلەكٶپٸرٸ بارىسىندا مەملەكەت باسشىسى نۇرسۇلتان نازارباەۆ رۇقسات بەردٸ, دەپ حابارلايدى قازاقپارات.
«روبوتتى جٷيەنٸ ەنگٸزۋ ارقىلى شىعارىلاتىن مەتالل قۇرىلعىلارىنىڭ جىلدىق كٶلەمٸن 6 مىڭ تونناعا دەيٸن ارتتىرۋعا مٷمكٸندٸك بەرەدٸ. بٸز 50 جاڭا جوعارى تەحنولوگييالى جۇمىس ورنىن قۇردىق. ينۆەستيتسييا كٶلەمٸ 2,5 ملرد تەڭگەدەن اسادى. بٸز مۇناي-گاز سالاسىنىڭ حالىقارالىق جوبالارىنداعى وتاندىق كومپانييا ٷلەسٸن ارتتىرعىمىز كەلەدٸ. پرەزيدەنت مىرزا, ٶندٸرٸسٸمٸزدٸ ٸسكە قوسۋىڭىزدى سۇرايمىز», - دەدٸ «جٸگەرمۇنايسەرۆيس» جشس ديرەكتورى رافيك مۇحاتوۆ.
ٶز كەزەگٸندە قازاقستان پرەزيدەنتٸ جاڭا ٶندٸرٸس ورنىنىڭ جۇمىسىن باستاۋعا رۇقسات بەرٸپ, زور تابىستار تٸلەدٸ.
«بٸز مۇناي مەن گازعا باي ەل سانالامىز. بٷگٸندە كٷن تەرتٸبٸندە بٸزدٸڭ شيكٸزاتتارىمىزدى قايتا ٶڭدەۋ مەسەلەسٸ تۇر. سول ارقىلى قوسىلعان قۇنىن ارتتىرىپ, مول قاراجات تابۋ قاجەت. سوندىقتان بۇل نىساندار ٶتە ماڭىزدى», - دەپ اتاپ ٶتتٸ ەلباسى ٶندٸرٸس وشاعىن ٸسكە قوسۋ كەزٸندە.
.jpeg)