Memleket basshysy Atyraý oblysynyń ákimi Mahambet Dosmuhambetovti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa biylǵy 9 ai ishindegi Atyraý oblysynyń áleýmettik-ekonomikalyq damýy jóninde esep berildi.
Prezidentke Jumyspen qamtýdyń jol kartasy aiasynda jańa jumys oryndaryn ashý, ónerkásiptiń damýyn qamtamasyz etý jáne investitsiia tartý máseleleri týraly baiandaldy.
Kezdesý sońynda Memleket basshysy oblys ákimi Mahambet Dosmuhambetovke halyqtyń ál-aýqatyn arttyrý, ekologiialyq máselelerdi sheshý jóninde birqatar tapsyrma berdi. Sonymen qatar Qasym-Jomart Toqaev óńirdegi epidemiologiialyq ahýaldy qatań baqylaýda ustaýdy tapsyrdy.
