Jańa ekologiialyq kodeks jáne Jasyl ósim tujyrymdamasy qabyldanady. Bul týraly «Nur Otan» partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy QazAqparat.
«Biz «Rýhani jańǵyrý» baǵdarlamasyn belsendi túrde júzege asyra beremiz. Bul asa mańyzdy qujat urpaqtyń sanasyn serpiltip, ulttyń jańa bolmysyn qalyptastyrýǵa arqaý bolady. Munan bólek, memlekettik tildiń qoldanylý aiasyn odan ary keńeitýge kúsh jumyldyramyz. Ana tilimizdi ardaqtamasaq, eldigimizge syn», - dedi Memleket basshysy.
QR Prezidenti kez kelgen sharýashylyq qyzmetimen ainalysqan jaǵdaida tabiǵatty saqtaý jáne ony qorǵaý mindeti basty qaǵidattyń birine ainalatyndyǵyn basa aitty.
«Jańa ekologiialyq kodeks jáne Jasyl ósim tujyrymdamasy qabyldanady. Biz pragmatizm qundylyqtaryn - únem, qanaǵat jáne ustamdylyq mádenietin ornyqtyrýymyz kerek», - dedi Qasym-Jomart Toqaev.
