Memleket basshysy Qasym-Jomart Toqaev «Samuryq-Qazyna» UÁQ» aktsionerlik qoǵamynyń basqarma tóraǵasy Ahmetjan Esimovti qabyldady, dep habarlaidy Aqorda.
Kezdesý barysynda Qazaqstan Prezidentine Ulttyq ál-aýqat qorynyń 2019 jylǵy jumystarynyń nátijeleri baiandaldy.
Ahmetjan Esimovtiń aitýynsha, qordyń negizgi óndiristik jáne qarjylyq kórsetkishteri artqan. Kiris kólemi 2018 jylǵy 10,1 trillion teńgeden 2019 jyly 10,7 trillion teńgege artyp, taza paida 2018 jyly 1,1 trillion teńge, al 2019 jyly 1,2 trillion teńge boldy. Qordyń aktivteri 10 paiyzǵa artyp, 26,5 trillion teńgege jetti.
Sonymen qatar «Samuryq-Qazyna» UÁQ» aktsionerlik qoǵamynyń basqarma tóraǵasy otandyq óndiristi qoldaýǵa, satyp alýlar isindegi jergilikti kásiporyndardyń úlesin qamtamasyz etýge baǵyttalǵan keshendi sharalar engizý jóninde málimet berdi.
