Memleket basshysy Qasym-Jomart Toqaev Ádilet ministri Marat Beketaevty qabyldady, dep habarlaidy Aqorda.
Qasym-Jomart Toqaevqa Ádilet ministrliginiń ótken jyly atqarǵan jumystarynyń negizgi qorytyndylary jaiynda baiandaldy.
Ádilet ministri Prezidentke zań jobalarynyń ázirlený barysy, olarǵa quqyqtyq saraptama berý jaiynda aitty. Sonymen qatar biznes ókilderi men azamattarǵa quqyqtyq kómek kórsetý máselesi boiynsha qolǵa alynǵan jumystar jóninde aqparat berdi.
Marat Beketaevtyń aitýynsha, búginde advokattardyń jáne zań jónindegi keńesshilerdiń qyzmetin retteý, olardyń jumysyn tsifrlandyrý, atalǵan sala mamandarynyń kásibi biliktiligin arttyrý, tártiptik fýnktsiialardy damytý maqsatynda birqatar bastamalar iske asyrylyp jatyr.
Kezdesý sońynda Qasym-Jomart Toqaev Marat Beketaevqa zań jobalaryn daiyndaý jumystaryn sapaly jalǵastyrýdy, azamattar men kásipkerlerge quqyqtyq kómek berý turǵysyndaǵy bastamalardy joǵary deńgeiinde atqarýdy tapsyrdy.
