Memleket basshysy Atyraý oblysyna jumys sapary aiasynda Abai atyndaǵy ortalyqtyń jumysymen tanysty, dep habarlaidy "Ult aqparat" Aqordanyń resmi saityna silteme jasap.
Prezident ortalyqta belgili tulǵalardyń dombyrylarynan jasaqtalǵan kóshpeli kórmeni tamashalady. Kórmege Atyraý oblystyq tarihi-ólketaný murajaiynyń qorynda saqtalǵan Abai Qunanbaiuly, Dina Nurpeiisova, Mahambet Ótemisuly syndy tarihi tulǵalardyń, belgili ǵalym Aqseleý Seidimbektiń, kompozitor, jazýshy Iliia Jaqanovtyń, Nurǵisa Tilendievtiń, Rysbai Ǵabdievtiń, Qarshyǵa Ahmediiarovtyń, Ázidolla Esqalievtiń, Ásima Izmuhambetovanyń, Aigúl Úlkenbaevanyń jáne basqa da óner qairatkerleriniń dombyralary qoiylǵan.
Abai ortalyǵynda oqýshylardyń úiirmelerge qatysyp, óner túrlerin úirenýine jan-jaqty jaǵdai jasalǵan.
Prezident «JasSpace» STEM zerthanasynda jasalǵan jobalarmen, buiymdarmen tanysty. Sondai-aq bir top jas dombyrashy Qurmanǵazynyń «Balbyraýyn» kúiin oryndady.
– Bárekeldi! Qadyr Myrza-Áli aǵamyz aitqandai, «Naǵyz qazaq – qazaq emes, naǵyz qazaq – dombyra». Sondyqtan naǵyz qazaq árqashan osyndai bolýy kerek! – dedi Prezident.
Shahmat kabinetinde Memleket basshysy jas shahmatshylarmen áńgimelesti. Olardyń arasynda biyl Rýmyniiada ótken 14 jasqa deiingi qyzdar arasyndaǵy Álem chempionatynyń jeńimpazy Zarina Nurǵalieva da boldy. Prezident daryndy shahmatshydan bolashaqtaǵy josparyn surap, sáttilik tiledi.
