مەملەكەت باسشىسى اتىراۋ وبلىسىنا جۇمىس ساپارى اياسىندا اباي اتىنداعى ورتالىقتىڭ جۇمىسىمەن تانىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت ورتالىقتا بەلگٸلٸ تۇلعالاردىڭ دومبىرىلارىنان جاساقتالعان كٶشپەلٸ كٶرمەنٸ تاماشالادى. كٶرمەگە اتىراۋ وبلىستىق تاريحي-ٶلكەتانۋ مۇراجايىنىڭ قورىندا ساقتالعان اباي قۇنانبايۇلى, دينا نۇرپەيٸسوۆا, ماحامبەت ٶتەمٸسۇلى سىندى تاريحي تۇلعالاردىڭ, بەلگٸلٸ عالىم اقسەلەۋ سەيدٸمبەكتٸڭ, كومپوزيتور, جازۋشى ٸلييا جاقانوۆتىڭ, نۇرعيسا تٸلەنديەۆتٸڭ, رىسباي عابديەۆتٸڭ, قارشىعا احمەديياروۆتىڭ, ەزيدوللا ەسقاليەۆتٸڭ, ەسيما ٸزمۇحامبەتوۆانىڭ, ايگٷل ٷلكەنباەۆانىڭ جەنە باسقا دا ٶنەر قايراتكەرلەرٸنٸڭ دومبىرالارى قويىلعان.
اباي ورتالىعىندا وقۋشىلاردىڭ ٷيٸرمەلەرگە قاتىسىپ, ٶنەر تٷرلەرٸن ٷيرەنۋٸنە جان-جاقتى جاعداي جاسالعان.
پرەزيدەنت «JasSpace» STEM زەرتحاناسىندا جاسالعان جوبالارمەن, بۇيىمدارمەن تانىستى. سونداي-اق بٸر توپ جاس دومبىراشى قۇرمانعازىنىڭ «بالبىراۋىن» كٷيٸن ورىندادى.
– بەرەكەلدٸ! قادىر مىرزا-ەلٸ اعامىز ايتقانداي, «ناعىز قازاق – قازاق ەمەس, ناعىز قازاق – دومبىرا». سوندىقتان ناعىز قازاق ەرقاشان وسىنداي بولۋى كەرەك! – دەدٸ پرەزيدەنت.
شاحمات كابينەتٸندە مەملەكەت باسشىسى جاس شاحماتشىلارمەن ەڭگٸمەلەستٸ. ولاردىڭ اراسىندا بيىل رۋمىنييادا ٶتكەن 14 جاسقا دەيٸنگٸ قىزدار اراسىنداعى ەلەم چەمپيوناتىنىڭ جەڭٸمپازى زارينا نۇرعاليەۆا دا بولدى. پرەزيدەنت دارىندى شاحماتشىدان بولاشاقتاعى جوسپارىن سۇراپ, سەتتٸلٸك تٸلەدٸ.
