Memleket basshylary Qazaqstannyń Shanhai yntymaqtastyq uiymyna tóraǵalyǵyna eń joǵary baǵa berdi. Bul týraly búgin ShYU-ǵa múshe memleketter basshylary keńesiniń keńeitilgen otyrysynan keiingi brifingte ShYU Bas hatshysy Rashid Alimov málim etti, dep habarlaidy QazAqparat.
«Memleket basshylary ShYU-ǵa Qazaqstan Respýblikasynyń tóraǵalyǵyna joǵary baǵa berdi jáne Astanadaǵy is-shara barysynda kórsetilgen qonaqjailylyǵy úshin qazaqstandyq tarapqa rizashylyq bildirdi. Qazaqstan Respýblikasynyń ShYU-ǵa Tóraǵalyǵy laiyqty túrde eń joǵary baǵasyn aldy. Sammitke barar jolda Qazaqstan Prezidentiniń jeke óz tarapynan jáne QR Úkimeti tarapynan únemi barynsha joǵary qyzyǵýshylyq bilinip turdy. Qazaqstandyq tóraǵalyqtyń 345 kúninde barynsha túrli deńgeide ártúrli baǵytta 300-den astam shara ótkendigin atap ótsek te jetkilikti. Bul is-sharalardyń shyrqaý shegi ShYU-nyń Astana sammiti bolǵany sózsiz. Shyn máninde bul uiym qyzmetiniń barlyq salalaryndaǵy iskerlik belsendiliktiń jarqyn kezeńi edi», - dedi Alimov.
Onyń aitýynsha, Qazaqstannyń tóraǵalyǵy kezinde Aziia, Eýropa men Amerika alańdaryndaǵy 100-den astam túrli halyqaralyq forýmdarda, konferentsiialarda ShYU qyzmeti jan-jaqty kórsetildi. Munan bólek, ShYU-nyń BUU-men ózara is-qimyly jańa sapaly deńgeige kóterildi.
«Niý-Iorktegi BUU-nyń shtab-páterinde, BUU-nyń Vena bólimshesinde tarihta alǵash ret ShYU men BUU arasyndaǵy eń joǵary deńgeidegi birlesken is-shara ótkizildi», - dedi ShYU Bas hatshysy.
.jpeg)