Memleket azamattyq qoǵamnyń turaqtylyǵyn arttyrýǵa járdemdese beredi. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aitty, dep habarlaidy QazAqparat.
«Biz Qazaqstan azamattary emin-erkin qaýymdastyqtarǵa birige alýyna jan-jaqty qoldaý kórsete beretin bolamyz jáne muny negiz qalaýshy konstitýtsiialyq quqyǵy retinde qarastyramyz. Ol Qazaqstannyń saiasi jańǵyrýynyń jáne ilgeri qaryshtaityn qoǵamdyq progresiniń mańyzdy sharty sanalady. Sondyqtan biz búginnen-aq zańnamamyzdy ózgertip, qoǵamdyq keńesterdiń, azamattyq qoǵamdyq baqylaýdyń, eriktilerdiń qyzmetin kúsheitýge baǵyttalǵan jańa zań jobalaryn ázirleimiz. Memlekettik organdardyń eseptiligi, baqylanylatyndyǵy jáne ashyqtyǵy tetikterin jetildiretin bolamyz. Bul memlekettik saiasattyń vektory, Qazaqstannyń jańǵyrýynyń irgetasy sanalady», - dedi Memlekettik hatshy.
Qyrymbek Kósherbaevtyń atap ótýinshe, memleket azamattyq qoǵamnyń turaqtylyǵyn arttyrýǵa, sonymen qatar partiialardyń, kásipodaqtardyńjáne buqaralyq aqparat quraldarynyń qyzmetine, ergilikti ózin ózi basqarýǵa, erkin jáne ádil sailaý ótkizýge, azamattardyń beibit jinalystar uiymdastyrý quqyǵyn júzege asyrýǵa qatysty zańnamany jetildirý arqyly saiasi transformatsiia men jańǵyrýǵa járdem beretin bolady.
.jpeg)