Memlekettik qyzmet isteri jáne sybailas jemqorlyqqa qarsy is-qimyl agenttigi tanymal áleýmettik jelilerge monitoring júrgizip, memlekettik qyzmetshilerdiń qyzmettik ádep normalaryn saqtaýyn tekserdi, dep habarlaidy "Ult aqparat" atalǵan mekemege silteme jasap habarlaidy.
«Memlekettik organ qyzmetshileriniń 54 745 akkaýnt kontenti qaraldy. 2212 qyzmetshiniń akkaýntarynan kúmán týdyratyn jáne qoǵam tarapynan syn týdyrýy múmkin 2300 fotosýret, 21 video jáne 46 pikir anyqtaldy. Olardyń arasynda memlekettik qyzmetshilerdiń oiyn-saýyq ortalyqtarynda spirtti ishimdik ishýi beinelengen fotosýretter men videomaterialdar, bylapyt sózder kezdesetin mátinder, erotikalyq sipattaǵy nemese qarý-jaraqpen túsken sýretter bar. Kei fotosýretterde qumar oiyndar men býkmekerlik utystar da kórinis tapqan», - delingen agenttik habarlamasynda.
Mekeme keltirgen derekterge sáikes, jyl basynan beri ortalyq memlekettik jáne jergilikti atqarý organdarynyń 277 memlekettik qyzmetshisi áleýmettik jelidegi beiádep qylyǵy úshin túrli tártiptik jaýapkershilikke tartylǵan. Odan bólek, 112 sheneýnik qyzmettik avtokólikti jumys ýaqytynan tys paidalanǵany úshin tártiptik jazaǵa tartylǵan.
