©Dmitrii Hegai
Búgin Parlament Májilisinde ótken dóńgelek ústelde belgili ekolog Mels Eleýsizov Balqash kóliniń problemalaryn jáne birqatar qorshaǵan ortanyń ózekti máselelerin kóterip, tipti sol úshin jiyn moderatorymen sózge kelip qaldy.
- «Bir kezderi men Nazarbaevqa aitqanmyn, bizde qazir 8 sý resýrstary qoimasy bar. Balqash máselesin qoldap júrgenime 20 jyl boldy. Balqashtyń tóńiregindegi 4 oblys, Qaraǵandy, Jambyl, Almaty men qazirgi Jetisý, Shyǵys Qazaqstan, sosyn Qytaiǵa qarasty biraz jer kiredi. Balqashtyń máselesin eshkim oilap jatqan joq. Meniń usynysym, múmkin talqylaýǵa da bolatyn shyǵar, ár sý qoimasyn biriktirip, 8 ákimdik bolsyn. Nazarbaev oǵan kelisken. Sol kezde aimaq dep aityp júrgen, biraq eshqandai is bolǵan joq. Sondyqtan sý qoimalaryna ielik etetin bireý kerek. Al qazirgi bolyp jatqan jaǵdai eshteńege jaramaidy. Myna túrimizben Balqashty óltiremiz. Ol úlken problema bolady», -dedi ekolog.
Mels Eleýsizov muzdaqtar máselesine de toqtalyp, bizde sý qory kúnnen kúnge azaiyp bara jatyr dep alańdaýshylyq bildirdi.
Sosyn, ekolog uzaq ýaqyttan beri aityp júrgen "Sorbulaq" sý qoimasy apatqa ákelýi múmkin ekenin jáne oǵan eshkim kóńil bólmei otyrǵanyn da aityp, ashyna jetkizdi.
Jiynda Mels Eleýsizov moderator Edil Jańbyrshinmen sózge kelip qaldy. Moderator suraq qoiatyn ýaqytyn kútýdi surasa, M. Eleýsizov ekologiialyq apattyń aldynda turǵanymyzdy aityp ashýlandy.
Al depýtat Edil Jańbyrshin:
-«Ekologiiaǵa jany ashityn siz ǵana emessiz», -dep, ekologtyń mikrofonyn óshirtkizip tastady.
