Avstraliianyń Melbýrn qalasynda 21 jeltoqsanda jol talǵamaityn kólik jaiaý júrginshilerdi qaǵyp ótip, 19 adam jaralady. El politsiiasy bul oqiǵadan soń kúdikti eki adamdy tutqyndaǵan, dep habarlaidy "Ult aqparat".
Oqiǵa shahardyń Flinders kóshesinde bolǵan. Jergilikti BAQ-tyń aqparatyna qaraǵanda, jol talǵamaityn kólik qala ortalyǵynda jaiaý júrginshiler jolynda birneshe adamdy qaǵyp ótip, aspaly jol aialdamasyna baryp soǵylǵan. Kólik júrgizýshisi men onyń janyndaǵy er adam ustalǵan.
Quqyq qorǵaý organdary qyzmetkerleri kýágerlerden suraý alyp jatyr jáne adamdarǵa oqiǵa bolǵan jerge jaqyndamaýǵa keńes bergen.
Politsiia oqiǵanyń kezdeisoq jol apaty, ia terrorizmge qatysy bar shabýyl ekenin ázirge aita almai otyr. Jedel járdem qyzmeti 13 adamnyń aýrýhanaǵa jetkizilgenin, olardyń keibiri aýyr jaralǵanyn aitady. Oqiǵa qalanyń ortalyǵynda turǵyndar jańa jyl merekesine orai qyzý saýda jasap jatqan kezde bolǵan.
Al, SBS telearnasynyń málimetinshe, zardap shekkenderdiń arasynda bir bala bar. Ol basyn jaraqattaǵan.
