Shyǵys Qazaqstan oblysynyń Ulan aýdanynda 600-den astam pedagogtyń derbes derekteri memlekettik satyp alý portalynda jariialanyp ketken. Prokýratýra zańbuzýshylyqtyń jolyn kesip, zańsyz ornalastyrylǵan aqparatty óshirtti, dep habarlaidy ult.kz.
Oblystyq prokýratýranyń málimetinshe, aýdannyń mektepteri men balabaqshalary qyzmetkerlerdi mindetti meditsinalyq tekserýden ótkizýge qatysty memlekettik satyp alý týraly habarlandyrý jariialaǵan. Alaida konkýrs qujattaryna qyzmetkerlerdiń tolyq tizimi qosa tirkelgen.
Sonyń saldarynan pedagogtardyń tolyq anketalyq málimetteri, atqaratyn laýazymdary, turǵylyqty mekenjailary men bailanys telefon nómirleri kópshilikke qoljetimdi bolyp, qupiia aqparattyń taralý qaýpi týyndaǵan.
Prokýratýranyń aralasýynan keiin zańbuzýshylyq tolyq joiylyp, 611 qyzmetkerdiń zańsyz jariialanǵan jeke málimetteri portaldan óshirildi.
Atalǵan derek boiynsha kináli laýazymdy tulǵalar jaýapkershilikke tartyldy.
