شىعىس قازاقستان وبلىسىنىڭ ۇلان اۋدانىندا 600-دەن استام پەداگوگتىڭ دەربەس دەرەكتەرٸ مەملەكەتتٸك ساتىپ الۋ پورتالىندا جارييالانىپ كەتكەن. پروكۋراتۋرا زاڭبۇزۋشىلىقتىڭ جولىن كەسٸپ, زاڭسىز ورنالاستىرىلعان اقپاراتتى ٶشٸرتتٸ, دەپ حابارلايدى ult.kz.
وبلىستىق پروكۋراتۋرانىڭ مەلٸمەتٸنشە, اۋداننىڭ مەكتەپتەرٸ مەن بالاباقشالارى قىزمەتكەرلەردٸ مٸندەتتٸ مەديتسينالىق تەكسەرۋدەن ٶتكٸزۋگە قاتىستى مەملەكەتتٸك ساتىپ الۋ تۋرالى حابارلاندىرۋ جارييالاعان. الايدا كونكۋرس قۇجاتتارىنا قىزمەتكەرلەردٸڭ تولىق تٸزٸمٸ قوسا تٸركەلگەن.
سونىڭ سالدارىنان پەداگوگتاردىڭ تولىق انكەتالىق مەلٸمەتتەرٸ, اتقاراتىن لاۋازىمدارى, تۇرعىلىقتى مەكەنجايلارى مەن بايلانىس تەلەفون نٶمٸرلەرٸ كٶپشٸلٸككە قولجەتٸمدٸ بولىپ, قۇپييا اقپاراتتىڭ تارالۋ قاۋپٸ تۋىنداعان.
پروكۋراتۋرانىڭ ارالاسۋىنان كەيٸن زاڭبۇزۋشىلىق تولىق جويىلىپ, 611 قىزمەتكەردٸڭ زاڭسىز جارييالانعان جەكە مەلٸمەتتەرٸ پورتالدان ٶشٸرٸلدٸ.
اتالعان دەرەك بويىنشا كٸنەلٸ لاۋازىمدى تۇلعالار جاۋاپكەرشٸلٸككە تارتىلدى.
