Mektepterde matematika páni oqýshylardy eki topqa bólip oqytylmaq. Bul týraly QR Bilim jáne ǵylym ministri Ashat Aimaǵambetov aitty , dep habarlaidy QazAqparat.
«Memleket basshysy tehnikalyq mamandardy daiyndaý boiynsha tapsyrma berdi. Osy tapsyrmany oryndaýǵa matematikalyq bilimdi damytý óz septigin tigizeri sózsiz. Sondyqtan biz birinshiden, matamatikany mektepterde topqa bólip oqytý máselesin qarastyryp, usynyp, ony engizýge daiyndalyp jatyrmyz.
Ekinshiden, tehnologiia, eńbekke baýlý máselesi de óte mańyzdy. Sol sebepti bul pándi de bólip oqytý kerek. Kezinde solai bolǵan. Endi sol tártipke qaityp kelýimiz qajet», - dedi Ashat Aimaǵambetov Bilim jáne ǵylym ministrliginiń keńeitilgen alqa otyrysynda.
Ministrdiń dereginshe, biyl 200 mektep salynyp, 2 myń pándik kabinet satyp alynady. 300 balabaqsha ashylady.
«Bilim berý statistikasyn ashamyz. Bizde Ulttyq bilim berý derekter bazasy degen bar. Jeke derekterden basqa barlyq derekterdi ashýymyz kerek. Árine, statistikany ashqanda da ol kezeń-kezeńmen isteletin jumys. Degenmen, bul statistika barlyq qoǵamǵa ashyq, túsinikti bolýy kerek. Qoǵamnyń baqylaýy bolýy qajet», - dedi ol.
