مەكتەپتەردە ماتەماتيكا پەنٸ وقۋشىلاردى ەكٸ توپقا بٶلٸپ وقىتىلماق. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى , دەپ حابارلايدى قازاقپارات.
«مەملەكەت باسشىسى تەحنيكالىق مامانداردى دايىنداۋ بويىنشا تاپسىرما بەردٸ. وسى تاپسىرمانى ورىنداۋعا ماتەماتيكالىق بٸلٸمدٸ دامىتۋ ٶز سەپتٸگٸن تيگٸزەرٸ سٶزسٸز. سوندىقتان بٸز بٸرٸنشٸدەن, ماتاماتيكانى مەكتەپتەردە توپقا بٶلٸپ وقىتۋ مەسەلەسٸن قاراستىرىپ, ۇسىنىپ, ونى ەنگٸزۋگە دايىندالىپ جاتىرمىز.
ەكٸنشٸدەن, تەحنولوگييا, ەڭبەككە باۋلۋ مەسەلەسٸ دە ٶتە ماڭىزدى. سول سەبەپتٸ بۇل پەندٸ دە بٶلٸپ وقىتۋ كەرەك. كەزٸندە سولاي بولعان. ەندٸ سول تەرتٸپكە قايتىپ كەلۋٸمٸز قاجەت», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ كەڭەيتٸلگەن القا وتىرىسىندا.
مينيستردٸڭ دەرەگٸنشە, بيىل 200 مەكتەپ سالىنىپ, 2 مىڭ پەندٸك كابينەت ساتىپ الىنادى. 300 بالاباقشا اشىلادى.
«بٸلٸم بەرۋ ستاتيستيكاسىن اشامىز. بٸزدە ۇلتتىق بٸلٸم بەرۋ دەرەكتەر بازاسى دەگەن بار. جەكە دەرەكتەردەن باسقا بارلىق دەرەكتەردٸ اشۋىمىز كەرەك. ەرينە, ستاتيستيكانى اشقاندا دا ول كەزەڭ-كەزەڭمەن ٸستەلەتٸن جۇمىس. دەگەنمەن, بۇل ستاتيستيكا بارلىق قوعامعا اشىق, تٷسٸنٸكتٸ بولۋى كەرەك. قوعامنىڭ باقىلاۋى بولۋى قاجەت», - دەدٸ ول.
