2025 jyldyń 21 shildesinde Bangladesh Áýe kúshterine tiesili Chengdu FT-7 oqý-jattyǵý ushaǵy Dakka qalasyndaǵy Milestone School mektebiniń aýmaǵyna qulady, dep habarlaidy ult.kz.
Resmi málimet boiynsha, apat saldarynan 37 adam qaza taýyp, 170-ten astamy jaraqat aldy. Qaza bolǵandardyń basym bóligi – mektep oqýshylary. Ushaq piloty da kóz jumdy.
Aldyn ala tergeý nátijesinde ushaq kókke kóterilgennen keiin basqarýdan shyǵyp, pilot ony turǵyn úilerden alysqa burýǵa tyrysqany aityldy. Alaida áýe kemesi mektep ǵimaratyna qulap, úlken órt shyqqan.
Qaiǵyly oqiǵadan keiin Bangladesh biligi ulttyq aza tutý kúnin jariialap, qaza tapqandardyń otbasylaryna ótemaqy tóleýge ýáde berdi. Sonymen qatar áskeri aviatsiia qaýipsizdigine qatysty tekserister kúsheitildi.
