Mektep oqýshylary úshin taǵy 250 myń kompiýter taratylady. QR Bilim jáne ǵylym vitse-ministri Sholpan Karinova jańa oqý jylyndaǵy alǵashqy sabaqtar týraly aityp berdi, dep habarlaidy "Ult aqparat".
«Oqýshylardy qashyqtan oqytýǵa daiyndaý barysynda jergilikti aqtqarýshy organdar ministrlikpen birlese tiisti sharalardy atqardy. Oqýshylarǵa ýaqytsha paidalaný úshin 435 myń kompiýter taratyldy. Áli de satylyp alynyp jatqan kompiýterler bar. 15 qyrkúiekke deiin qosymsha 250 myń kompiýter beriledi», - dedi vitse-ministr onlain rejimde ótken brifingide.
Onyń sózine qaraǵanda, 1 qyrkúiek saǵat 15:00-degi jaǵdai boiynsha júiedegi qaralym sany 3,7 mln. quraidy. «Kúndelik» júiesi shtattyq rejimde jumys istedi.
Ministrlik málimetinshe, 1 qyrkúiektegi saǵat 15:00-degi jaǵdai boiynsha negizgi bilim berý platformalaryndaǵy sessiialardyń sany – 2,2 mln. Ornalastyrylǵan kontentti qaraý sany – 6,8 mln.
