Jambyl oblysynyń Shý aýdanynda orta mektep direktory qyzmetin asyra paidalanǵany úshin 1 jylǵa bas bostandyǵynan aiyryldy, dep habarlaidy "Ult aqparat" aýdandyq sottyń baspasóz qyzmetine silteme jasap.
Shý aýdandyq soty bilim ordasynyń basshysy S.L.-ǵa qatysty QR Qylmystyq kodeksiniń 362-baby («Bilikti nemese laýazymdyq ókilettikterdi asyra paidalaný») 1-bóligimen qylmystyq is qozǵaǵan.
Is materialdaryna qaraǵanda, aýdandyq orta mekteptiń direktory S.L. qol astyndaǵy qyzmetkerlerge 2017 jyldyń qańtar aiynda memlekettik attestatsiiany ótkizý úshin mektepke Jambyl oblysy bilim salasyn baqylaý departamentinen komissiia keletinin aitqan.
Sonymen qatar S.L. attestattaýdan súrinbei ótý úshin árbir pedagogtan 30 myń teńge, tehnikalyq qyzmetkerlerden 9 myń teńgeden aqsha jinaýdy talap etken. Bul áreketimen ol jábirlenýshilerge jalpy 270 myń teńge kóleminde materialdyq zalal keltirgen.
Mektep basshysy sot otyrysynda óz kinásin moiyndamady. Sottyń úkimimen S.L. aiypty dep tanylyp, oǵan 1 jylǵa bas bostandyǵynan aiyrý jazasy belgilendi. Sottyń úkimi zańdy kúshine engen joq.
