جامبىل وبلىسىنىڭ شۋ اۋدانىندا ورتا مەكتەپ ديرەكتورى قىزمەتٸن اسىرا پايدالانعانى ٷشٸن 1 جىلعا باس بوستاندىعىنان ايىرىلدى, دەپ حابارلايدى "ۇلت اقپارات" اۋداندىق سوتتىڭ باسپاسٶز قىزمەتٸنە سٸلتەمە جاساپ.
شۋ اۋداندىق سوتى بٸلٸم ورداسىنىڭ باسشىسى س.ل.-عا قاتىستى قر قىلمىستىق كودەكسٸنٸڭ 362-بابى («بيلiكتi نەمەسە لاۋازىمدىق ٶكiلەتتiكتەردٸ اسىرا پايدالانۋ») 1-بٶلٸگٸمەن قىلمىستىق ٸس قوزعاعان.
ٸس ماتەريالدارىنا قاراعاندا, اۋداندىق ورتا مەكتەپتٸڭ ديرەكتورى س.ل. قول استىنداعى قىزمەتكەرلەرگە 2017 جىلدىڭ قاڭتار ايىندا مەملەكەتتٸك اتتەستاتسييانى ٶتكٸزۋ ٷشٸن مەكتەپكە جامبىل وبلىسى بٸلٸم سالاسىن باقىلاۋ دەپارتامەنتٸنەن كوميسسييا كەلەتٸنٸن ايتقان.
سونىمەن قاتار س.ل. اتتەستاتتاۋدان سٷرٸنبەي ٶتۋ ٷشٸن ەربٸر پەداگوگتان 30 مىڭ تەڭگە, تەحنيكالىق قىزمەتكەرلەردەن 9 مىڭ تەڭگەدەن اقشا جيناۋدى تالاپ ەتكەن. بۇل ەرەكەتٸمەن ول جەبٸرلەنۋشٸلەرگە جالپى 270 مىڭ تەڭگە كٶلەمٸندە ماتەريالدىق زالال كەلتٸرگەن.
مەكتەپ باسشىسى سوت وتىرىسىندا ٶز كٸنەسٸن مويىندامادى. سوتتىڭ ٷكٸمٸمەن س.ل. ايىپتى دەپ تانىلىپ, وعان 1 جىلعا باس بوستاندىعىنان ايىرۋ جازاسى بەلگٸلەندٸ. سوتتىڭ ٷكٸمٸ زاڭدى كٷشٸنە ەنگەن جوق.
