Mektep baǵdarlamasyna «Adaldyq álippesi» engizilýi múmkin. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy "Ult aqparat".
«Parasattylyq ideologiiasyn nasihattaýda úzdiksiz keshendi bilim berý mańyzdy. Biz qazirgi tańda Bilim ministrligimen negizgi mektep pánderiniń baǵdarlamasyna parasattylyq ideologiiasyn engizýdi pysyqtadyq. Osy rette «Egemen Qazaqstan» respýblikalyq gazetiniń basqarma tóraǵasy, Agenttiktiń Qoǵamdyq keńesiniń múshesi Darhan Qydyráliniń «Adaldyq álippesin» ázirleý týraly bastamasy nazar aýdarýǵa turarlyq. «Tárbie tal besikten bastalady» degendei, bul qadam balalardy erte jastan adal ómir súrýge baýlýǵa yqpal etedi», - dedi Alik Shpekbaev agenttiktiń alqa otyrysynda.
Sonymen qatar ol azamattardy memlekettik organdardyń qyzmetine tartý institýttary men tetikterin nyǵaitý mańyzdy mindet ekendigin basa aitty.
«Agenttikte qoǵam ókilderi barlyq apparattyq keńesterge, kadrlyq jáne memlekettik satyp alý boiynsha komissiialarǵa qatysady, bul bizdiń qyzmetimizdiń ashyqtyǵy men aiqyndyǵynyń joǵary deńgeiin kórsetedi. Bul barlyq memlekettik apparatqa tán bolýy kerek. Memleket basshysy aitqandai, azamattar – bizdiń basty tutynýshylarymyz, sondyqtan biz qyzmetimizdi qoǵamnan jasyrmaýymyz kerek. Sonymen qatar, memlekettik mekemelerdiń tájiribesine áleýmettik jelilerdi paidalana otyryp, konkýrstyq kadr komissiialarynyń onlain-transliatsiiasyn engizý usynylady», - dedi ol.
