Saýd Arabiiasy hýsitter Iemennen Mekkege qarai ushyrǵan drondy áýe qorǵanysy júieleri arqyly atyp túsirgenin málimdedi. Saýd koalitsiiasynyń ókili general Túrki ál-Málikidiń aitýynsha, dron qasietti qalaǵa kirmei turyp joiylǵan, dep habarlaidy ult.kz.
Ál-Máliki Mekke men Mádinadaǵy qasietti oryndar men qajylardyń qaýipsizdigin «qyzyl syzyq» dep atady. Onyń sózinshe, koalitsiia hýsitterge qatysty qajetti tejeý sharalaryn qabyldaidy.
Alaida mańyzdy bir jait bar: áleýmettik jelilerde taraǵan drondy ustap alý videosynyń Mekkege qatysty ekeni ázirge rastalǵan joq. Keibir BAQ kadrlar 2025 jyly túsirilgenin jáne videoda Mekke emes, Mádina beinelengenin jazdy.
Al hýsitter Saýd Arabiiasynyń Mekkege qaýip tóndirdi degen málimdemesin joqqa shyǵardy. Olar islamnyń qasietti oryndaryna shabýyl jasamaitynyn málimdedi.
Bul jaǵdai Túrkiia men Pákistannyń da reaktsiiasyn týǵyzdy. Ankara Saýd Arabiiasyn qoldaitynyn bildirip, mundai shabýyldardy toqtatýǵa shaqyrdy. Al Pákistan premer-ministri Shahbaz Sharif dron shabýylyn aiyptap, Saýd Arabiiasynyń qarýly kúshterine jedel áreketi úshin alǵys aitty.
Mekkege qatysty bul málimdeme Iemendegi qaqtyǵystyń Saýd Arabiiasynyń aýmaǵyna qaita taralyp jatqan tusynda jasalyp otyr. Sońǵy kúnderi hýsitterdiń Saýdiia qalalaryna jasaǵan zymyran jáne dron shabýyldarynan 13 adam jaralanǵany habarlanǵan.
