Semeide meiramhana mańynda mas kúiinde signaldyq tapanshadan eki ret oq atqan 23 jastaǵy er adam ákimshilik qamaýǵa alyndy, dep habarlaidy ult.kz.
Oqiǵa 23 qyrkúiek kúni túngi saǵat 02:00 shamasynda Momyshuly kóshesinde bolǵan. Politsiia málimetinshe, qala turǵyny meiramhanalardyń biriniń aldynda alkogoldik masań kúide júrip, signaldyq tapanshadan aspanǵa eki ret oq atqan.
Quqyq buzýshyny politseiler kóp uzamai anyqtap, bólimge jetkizgen. Onyń Semei qalasynyń 23 jastaǵy turǵyny Nikita Boronin ekeni anyqtaldy.
Oǵan qoǵamdyq orynda mas kúiinde júrý, usaq buzaqylyq jasaý jáne tynyshtyqty buzý faktileri boiynsha ákimshilik hattama toltyryldy.
Sot sheshimimen er adam 5 táýlikke ákimshilik qamaýǵa alyndy.
Politsiia qoǵamdyq tártip pen azamattardyń tynyshtyǵyn buzatyn áreketter zań boiynsha jaýapkershilikke ákeletinin eskertti.
