Atyraýda bir otbasynyń ólimine qatysty sot protsesi jalǵasyp jatyr. Búgingi otyrysta aiyptalýshy Sultan Sársemáliev marqum Naýryz Muqanǵaliev pen Meiramgúl Qarabalinanyń ólimine qatysty jaýap berdi, dep habarlaidy ult.kz kznews.kz saityna siltep.
Sotta Naýryz Muqanǵalievtiń oqiǵa ornynda birden kóz jumbaǵany aitylǵan.
«Naýryz birden qaitys bolǵan joq. Ómirimde birinshi ret osyndai jaǵdai boldy. Buryn mal da soiyp kórmegenmin», – dedi aiyptalýshy.
Sársemálievtiń sózinshe, bolǵan jaǵdaidan keiin ol biraz ýaqyt aýlada otyryp, ne isterin bilmei qalǵan. Keiin úige qaita kirgende Naýryzdyń edende jatqanyn kórgenin aitty.
Aiyptalýshy onyń tiri qalýy múmkin dep oilaǵanyn, sol sebepti qoryqqanyn jetkizdi. Onyń aitýynsha, sol sátte politsiia shaqyrý týraly da oilaǵan, biraq otbasyn, bes balasyn eske alyp, ekiudai kúide qalǵan.
Sot barysynda Sársemáliev Meiramgúldiń ólimine qatysty da jaýap berdi. Onyń aitýynsha, Meiramgúl ata-anasy qaitys bolǵannan keiin Jangeldin aýylynan ákelinip, Aqbaianǵa kómektesý úshin úide bolǵan.
Aiyptalýshy ekeýiniń arasynda janjal shyqqanyn aitty. Onyń sózinshe, Meiramgúl ózine aýyr sózder aitqannan keiin ashýǵa boi aldyrǵan.
«Ol kezde eshqandai ókinish bolǵan joq. Úsh adamdy óltirgennen keiin báribir bolyp ketedi eken», – dedi Sársemáliev sotta.
Is materialdaryna sáikes, Meiramgúldi óltirýge buǵan deiin Mausot Qarabalin men Násip Muqanǵalievanyń ólimine qoldanylǵan pyshaq paidalanylǵan.
Aiyptalýshynyń sózinshe, qylmystan keiin Meiramgúldiń denesin Naýryz Muqanǵalievtiń máiiti jasyrylǵan jerge aparyp kómgen.
Eske salaiyq, buǵan deiin sotta Sársemálievtiń jubaiy Aqbaian Muqanǵalievanyń alǵashqy jaýabynyń beinejazbasy kórsetilgen edi. Onda áiel bolǵan jaǵdaidy túsinbeitinin aitqan.
