اتىراۋدا بٸر وتباسىنىڭ ٶلٸمٸنە قاتىستى سوت پروتسەسٸ جالعاسىپ جاتىر. بٷگٸنگٸ وتىرىستا ايىپتالۋشى سۇلتان سەرسەمەليەۆ مارقۇم ناۋرىز مۇقانعاليەۆ پەن مەيرامگٷل قارابالينانىڭ ٶلٸمٸنە قاتىستى جاۋاپ بەردٸ, دەپ حابارلايدى ult.kz kznews.kz سايتىنا سٸلتەپ.
سوتتا ناۋرىز مۇقانعاليەۆتٸڭ وقيعا ورنىندا بٸردەن كٶز جۇمباعانى ايتىلعان.
«ناۋرىز بٸردەن قايتىس بولعان جوق. ٶمٸرٸمدە بٸرٸنشٸ رەت وسىنداي جاعداي بولدى. بۇرىن مال دا سويىپ كٶرمەگەنمٸن», – دەدٸ ايىپتالۋشى.
سەرسەمەليەۆتٸڭ سٶزٸنشە, بولعان جاعدايدان كەيٸن ول بٸراز ۋاقىت اۋلادا وتىرىپ, نە ٸستەرٸن بٸلمەي قالعان. كەيٸن ٷيگە قايتا كٸرگەندە ناۋرىزدىڭ ەدەندە جاتقانىن كٶرگەنٸن ايتتى.
ايىپتالۋشى ونىڭ تٸرٸ قالۋى مٷمكٸن دەپ ويلاعانىن, سول سەبەپتٸ قورىققانىن جەتكٸزدٸ. ونىڭ ايتۋىنشا, سول سەتتە پوليتسييا شاقىرۋ تۋرالى دا ويلاعان, بٸراق وتباسىن, بەس بالاسىن ەسكە الىپ, ەكٸۇداي كٷيدە قالعان.
سوت بارىسىندا سەرسەمەليەۆ مەيرامگٷلدٸڭ ٶلٸمٸنە قاتىستى دا جاۋاپ بەردٸ. ونىڭ ايتۋىنشا, مەيرامگٷل اتا-اناسى قايتىس بولعاننان كەيٸن جانگەلدين اۋىلىنان ەكەلٸنٸپ, اقبايانعا كٶمەكتەسۋ ٷشٸن ٷيدە بولعان.
ايىپتالۋشى ەكەۋٸنٸڭ اراسىندا جانجال شىققانىن ايتتى. ونىڭ سٶزٸنشە, مەيرامگٷل ٶزٸنە اۋىر سٶزدەر ايتقاننان كەيٸن اشۋعا بوي الدىرعان.
«ول كەزدە ەشقانداي ٶكٸنٸش بولعان جوق. ٷش ادامدى ٶلتٸرگەننەن كەيٸن بەرٸبٸر بولىپ كەتەدٸ ەكەن», – دەدٸ سەرسەمەليەۆ سوتتا.
ٸس ماتەريالدارىنا سەيكەس, مەيرامگٷلدٸ ٶلتٸرۋگە بۇعان دەيٸن ماۇسوت قارابالين مەن نەسٸپ مۇقانعاليەۆانىڭ ٶلٸمٸنە قولدانىلعان پىشاق پايدالانىلعان.
ايىپتالۋشىنىڭ سٶزٸنشە, قىلمىستان كەيٸن مەيرامگٷلدٸڭ دەنەسٸن ناۋرىز مۇقانعاليەۆتٸڭ مەيٸتٸ جاسىرىلعان جەرگە اپارىپ كٶمگەن.
ەسكە سالايىق, بۇعان دەيٸن سوتتا سەرسەمەليەۆتٸڭ جۇبايى اقبايان مۇقانعاليەۆانىڭ العاشقى جاۋابىنىڭ بەينەجازباسى كٶرسەتٸلگەن ەدٸ. وندا ەيەل بولعان جاعدايدى تٷسٸنبەيتٸنٸن ايتقان.
