Ortalyq kommýnikatsiialar qyzmetinde ótken brifingide Áleýmettik meditsinalyq saqtandyrý qorynyń Basqarma tóraǵasy Bolat Tókejanov meditsinalyq saqtandyrý qajaty esebinen vaktsina qabyldaýǵa bolatyn-bolmaityny týraly aitty, dep habarlaidy QazAqparat tilshisi.
«Bizge saqtandyrý qory esebinen vaktsina qabyldaýǵa bolatyn-bolmaityny týraly suraqtar kelip túsedi. Birden aityp óteiin, vaktsina egýdi qamtamasyz etý bul qordyń quziretine kirmeidi. Bul máselemen QR Densaýlyq saqtaý ministrligi ainalysady, onda sanitarlyq-epidemiologiialyq baqylaý komiteti de qarastyrylǵan. Jaqynda ministr vaktsina egý kezeń-kezeńimen júzege asyrylatynyn aitqan bolatyn. Osyǵan qatysty barlyq aqparatty sol ministrlikten ala alasyzdar», - deidi Áleýmettik meditsinalyq saqtandyrý qorynyń Basqarma tóraǵasy Bolat Tókejanov.
Eske sala ketsek, ol osy brifingte Meditsinalyq saqtandyrý qory pandemiia kezinde mindetin tolyq oryndaǵanyn aitqan bolatyn.
