Foto: Depositphotos
Qazaqstanda 2025 jyldan bastap meditsinalyq joǵary oqý oryndaryna qabyldaý tártibi ózgerdi. Densaýlyq saqtaý ministrligi bolashaq dárigerlerdi daiarlaý sapasyn arttyrý maqsatynda birqatar jańa talaptardy engizdi, dep habarlaidy Ult.kz.
Negizgi ózgerister:
-
Granttar: biyl meditsinalyq bakalavriatqa 2700 grant bólindi, onyń ishinde 2536-sy igerildi. Áleýmettik osal toptar men shetel azamattaryna da kvota qarastyryldy.
-
Aqyly bólim qysqartyldy: 2025 jyly aqyly negizde 4973 talapker ǵana qabyldanady.
-
Ótý baly artty: endi túsý úshin eń tómengi shekti ball – 70. Al memlekettik grantqa túsýshilerge keminde 100 ball qajet. Sheteldikter úshin aǵylshyn tilin bilý sertifikaty mindetti boldy.
-
Internatýra: biyl 6 baǵyt engizilip, 4356 stýdent oqýǵa qabyldandy. Onyń basym bóligi jalpy praktika dárigerlerin daiarlaýǵa baǵyttaldy.
-
Rezidentýra: jyl saiyn 2500 grant bólinedi. 2025 jyly alǵash ret pediatriia salasy boiynsha 14 jańa baǵyt ashylyp, 188 grant berildi.
-
Ǵylym: magistratýraǵa – 325, PhD-doktorantýraǵa – 160 grant qarastyrylǵan.
Ministrliktiń málimdeýinshe, bul ózgerister bolashaq mamandardyń klinikalyq daǵdylaryn nyǵaitýǵa, básekege qabilettiligin arttyrýǵa jáne eldi joǵary bilikti dárigerlermen qamtamasyz etýge yqpal etedi.
