Mamyr aiynda túsken saqtandyrý jarnasynyń kólemi 9,5 mlrd teńgeden asty. Bul týraly Meditsinalyq saqtandyrý qorynyń baspasóz qyzmeti habarlady.
«2017 jyldyń 1 shildesinen 2019 jyldyń 31 mamyryna deiingi aralyqta Qorǵa 176,7 mlrd teńge tústi. Aýdarymdar júie iske qosylǵan alǵashqy jarty jylda ózi úshin jarna tóleýge mindettelgen jeke kásipkerler men azamattyq-quqyqtyq kelisimshart negizinde eńbek etetin tulǵalarǵa, sondai-aq jumys berýshilerge tiesili. Atap aitqanda, jinaqtalǵan qarajattyń 95% nemese 167,9 mlrd teńgesin jumys berýshiler, qalǵan 5% jýyǵy nemese 8,8 mlrd teńgeni - jeke kásipkerler men kelisimshart negizinde eńbek etetin sanat aýdarǵan», - delingen baspasóz baianynda.
Málimetke qaraǵanda, aimaqtyq turǵydan alǵanda, jarna tóleý jaǵynan burynǵysha Almaty, Nur-Sultan qalalary men Qaraǵandy oblysy kósh bastap tur.
Esterińizge sala ketsek, jinaqtalǵan qarjy Ulttyq bankte saqtalady jáne 2020 jyldan bastap MÁMS paketinde kórsetiletin meditsinalyq qyzmetter aqysyn tóleýge jumsalmaq.
