2019 jyldyń alǵashqy aiynda Meditsinalyq saqtandyrý qoryna 7,6 mlrd teńge kóleminde jarna tústi. Bul týraly qordyń baspasóz qyzmeti habarlady.
«Júie iske qosylǵan 2017 jyldyń 1 shildesinen 2019 jyldyń 31 qańtaryna deiingi aralyqta jinaqtalǵan jarnanyń jalpy somasy 140,52 mlrd teńgeni qurady. Onyń 131,86 mlrd teńgesi (shamamen 93,8%) - jumys berýshilerdiń aýdarymdary bolsa, qalǵan 8,66 mlrd teńge (6,2% jýyǵy) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tiesili», delingen baspasóz baianynda.
Keltirilgen derekterge qaraǵanda, aimaqtyq turǵydan alǵanda, jarna tóleý boiynsha Almaty, Astana qalalary men Qaraǵandy oblysy kósh bastap tur.
Jinaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.
