2019 جىلدىڭ العاشقى ايىندا مەديتسينالىق ساقتاندىرۋ قورىنا 7,6 ملرد تەڭگە كٶلەمٸندە جارنا تٷستٸ. بۇل تۋرالى قوردىڭ باسپاسٶز قىزمەتٸ حابارلادى.
«جٷيە ٸسكە قوسىلعان 2017 جىلدىڭ 1 شٸلدەسٸنەن 2019 جىلدىڭ 31 قاڭتارىنا دەيٸنگٸ ارالىقتا جيناقتالعان جارنانىڭ جالپى سوماسى 140,52 ملرد تەڭگەنٸ قۇرادى. ونىڭ 131,86 ملرد تەڭگەسٸ (شامامەن 93,8%) - جۇمىس بەرۋشٸلەردٸڭ اۋدارىمدارى بولسا, قالعان 8,66 ملرد تەڭگە (6,2% جۋىعى) - جەكە كەسٸپكەرلەر مەن ازاماتتىق-قۇقىقتىق كەلٸسٸمشارت نەگٸزٸندە ەڭبەك ەتەتٸن تۇلعالارعا تيەسٸلٸ», دەلٸنگەن باسپاسٶز بايانىندا.
كەلتٸرٸلگەن دەرەكتەرگە قاراعاندا, ايماقتىق تۇرعىدان العاندا, جارنا تٶلەۋ بويىنشا الماتى, استانا قالالارى مەن قاراعاندى وبلىسى كٶش باستاپ تۇر.
جيناقتالعان قارجى ۇلتتىق بانكتە ساقتالادى. بولاشاقتا مەمس پاكەتٸ شەڭبەرٸندەگٸ قىزمەتتەر اقىسىن تٶلەۋگە جۇمسالادى. ەلٸمٸزدٸڭ باس بانكٸمەن قارجىنى سەنٸمگەرلٸك باسقارۋ تۋرالى كەلٸسٸم بەكٸتٸلگەن.
