Biylǵy sáýir aiynda Meditsinalyq saqtandyrý qoryna aýdarylǵan jarna mólsheri 9,5 mlrd teńgege jetti, dep habarlaidy «Áleýmettik meditsinalyq saqtandyrý qory» KEAQ.
2017 jyldyń 1 shildesinen 2019 jyldyń 30 sáýirine deiingi aralyqta Qorǵa 167,2 mlrd teńge tústi. Aýdarymdardy júie iske qosylǵan alǵashqy jarty jylda ózi úshin jarna tóleýge mindettelgen jeke kásipkerler men azamattyq-quqyqtyq kelisimshart negizinde eńbek etetin tulǵalar, sondai-aq jumys berýshiler aýdarǵan.
Atap aitqanda, jinaqtalǵan qarajattyń 94,8% nemese 158,5 mlrd teńgesi jumys berýshilerge, 5 protsentten astamy nemese 8,7 mlrd teńge - jeke kásipkerler men AQK negizinde eńbek etetin sanatqa tiesili.
Aimaqtyq turǵydan alǵanda, jarna tóleý jaǵynan burynǵysha Almaty, Nur-Sultan qalalary men Qaraǵandy oblysy kósh bastap tur.
Esterińizge sala ketsek, jinaqtalǵan qarjy Ulttyq bankte saqtalady jáne 2020 jyldan bastap MÁMS paketinde kórsetiletin meditsinalyq qyzmetter aqysyn tóleýge jumsalmaq. Elimizdiń bas bankimen qarjyny senimgerik basqarý týraly kelisimshart bekitilgen.
