«Áleýmettik meditsinalyq saqtandyrý qory» KEAQ Basqarma tóraǵasy Bolat Tókejanov MÁMS júiesiniń koronavirýs infektsiiasymen kúrestegi jumysy týraly esep berdi, dep habarlaidy QazAqparat.
«Pandemiia kezinde densaýlyq saqtaý júiesiniń barlyq resýrsy koronavirýs pen pnevmoniiaǵa qarsy kúres sharalaryna baǵyttaldy. Meditsinalyq uiymdar shuǵyl qaita beiimdeldi. Myńdaǵan meditsinalyq qyzmetkerler elimizdiń aýrýhanalary men emhanalarynda táýlik boiy vahtalyq jumysqa aýysty. Osy infektsiiany emdeý jáne indettiń aldyn alý jumystaryn qarjylandyrý isine Meditsinalyq saqtandyrý qory jaýapty boldy. Qor meditsinalyq kómek pen infraquryylmdy uiymdastyratyn Densaýlyq saqtaý ministrligimen jáne jergilikti atqarý organdarymen tyǵyz bailanys ornatyp, jetkizýshi mekemeleler aldyndaǵy mindetti múmkindiginshe ýaqytynda oryndady», - dedi spiker Ortalyq kommýnikatsiialar qyzmetinde ótken onlain brifingte.
Onyń aitýynsha, koronavirýsqa qarsy kúres sharalaryna jalpy 56,7 mlrd teńge bólindi. Halyqqa kómek kórsetý úshin 630 mekememen shart jasaldy.
Meditsinalyq kómek pen statsionarlardaǵy em úshin – 13,4 mlrd teńge, qaýipti aimaqtarda jumys istegen meditsinalyq qyzmetkerlerge ústemeaqy tóleýge – 38,1 mlrd teńge, PTR diagnostikaǵa – 5,2 mlrd teńge qarastyrylǵan.
«Birinshi kezekte turǵan mańyzdy mindetterdi jedel oryndaý úshin respýblikalyq komissiia sanitarlyq-epidemiologiialyq salamattyq salasyndaǵy ýákiletti organmen kelise otyryp, óńirlerdegi densaýlyq saqtaý basqarmalarynyń tizbesi boiynsha meditsinalyq qyzmet kórsetetin mekemelermen tikelei shart jasaý týraly sheshim qabyldandy. Qor maýsym aiynyń sońynda jetkizýshi mekemelelerge kórsetilgen qyzmetter men qaýipti aimaqta jumys istegen meditsina qyzmetkerlerine 44 mlrd teńge tóledi. Bul qarjy – bólingen jalpy somanyń 75 paiyzdan astamy», - dedi B. Tókejanov.
