Qazaqstandyqtar Telegram-arnalarda Germaniiada meditsinalyq maskalardan qaýipti ý – anilin tabylǵandyǵy týraly habarlamalardy talqylaýda. Paidalanýshylardyń pikirinshe, mundai qorǵanys quraldaryn paidalaný óte qaýipti jáne kóptegen asa aýyr aýrýlardy týdyrýy múmkin. Bul – manipýliatsiia, dep jazady stopfake.kz saity.
Birinshiden, anilin Viral Protect kompaniiasynyń M jáne L ólshemdi qara maskalardyń bir ǵana partiiasynan tabyldy. Budan basqa, óndirýshiniń assortimentinde anilin joq basqa da modelder bar. Óndirýshi firmanyń barlyq ónimderi sertifikattalǵan jáne qaýipsiz ekeni tekserilgen. Degenmen, qaýipti dep sanalǵan partiia satylymnan alynyp tastaldy. Aita keterlik jait, himiialyq zattardyń shamadan tys ekendigin rastaityn saraptama áli júrgizilgen joq. Sondyqtan maskalardyń shynymen ýly bolǵan dep aita almaimyz.
Ekinshiden, anilin – bul, shynymen, ýly zat, joǵary kontsentratsiiada ol ortalyq júike júiesine teris áser etýi múmkin. Alaida, óndiriste az mólsherde jáne qajetti saqtyq sharalaryn saqtai otyryp, keńinen qoldanylady. Anilindi rezeńke, gerbitsidter men boiaǵyshtar shyǵarý úshin paidalanady. Aita keteiik, onymen boiaǵyshtarmen ártúrli matalardan tigilgen kiimderdi boiaidy. Sondai-aq, djinsyǵa arnalǵan boiaǵyshtarda jii kezdesedi. Anilinge negizdelgen boiaǵyshtar qarapaiym dúkenderde satylady jáne úide qoldanýǵa jaramdy.
Tárkilengen maska partiiasy jasalǵan material dál osyndai boiaýmen boialǵan bolýy múmkin.
Joǵaryda aitylǵandardyń nátijesinde, meditsinalyq maskalar asa qaýipti degen qaýesetter asyra silteýshilik deýge bolady. Anilin maskanyń naqty modeliniń bir partiiasynda eki ólshemde ǵana anyqtalǵan. Onyń ústine, zat mólsheriniń ruqsat etilgen normadan asyp ketken-ketpegendigi belgisiz.
