Meditsinalyq mamandyqtardyń shákirtaqysy 30 paiyz artady. QR Densaýlyq saqtaý ministri Ajar Ǵiniiat vedomstvonyń keńeitilgen alqa otyrysynda osylai dedi, dep habarlaidy QazAqparat.
«Meditsina qyzmetkerleriniń jalaqysyn ekonomikadaǵy ortasha jalaqynyń eki ese deńgeiine jetkizý kózdelgen. Osylaisha aǵymdaǵy jyly dárigerlerge eńbekaqy tóleýdi 30 paiyz, orta meditsina qyzmetkerlerine – 20 paiyz arttyrý kózdelgen», - dedi ministr.
Aitýynsha, densaýlyq saqtaý júiesinde bilim beetin 91 meditsinalyq kolledj, 15 joǵary oqý orny, 14 ulttyq ortalyq pen ǵylymi-zertteý institýty bar.
«Medtsinalyq saladaǵy stýdentterdiń shákirtaqysy orta eseppen 30 paiyz, granttardyń quny 43 paiyz artty. Asa tapshy mamandyqtar boiynsha granttar sany ósti. Osy jyldan bastap meditsina, pediatriia jáne stomatologiia mamandyqtary boiynsha úzdiksiz integeratsiialanǵan bilim berý júiesi engizilýde», - dedi Ajar Ǵiniiat.
