مەديتسينالىق ماماندىقتاردىڭ شەكٸرتاقىسى 30 پايىز ارتادى. قر دەنساۋلىق ساقتاۋ مينيسترٸ اجار عينييات ۆەدومستۆونىڭ كەڭەيتٸلگەن القا وتىرىسىندا وسىلاي دەدٸ, دەپ حابارلايدى قازاقپارات.
«مەديتسينا قىزمەتكەرلەرٸنٸڭ جالاقىسىن ەكونوميكاداعى ورتاشا جالاقىنىڭ ەكٸ ەسە دەڭگەيٸنە جەتكٸزۋ كٶزدەلگەن. وسىلايشا اعىمداعى جىلى دەرٸگەرلەرگە ەڭبەكاقى تٶلەۋدٸ 30 پايىز, ورتا مەديتسينا قىزمەتكەرلەرٸنە – 20 پايىز ارتتىرۋ كٶزدەلگەن», - دەدٸ مينيستر.
ايتۋىنشا, دەنساۋلىق ساقتاۋ جٷيەسٸندە بٸلٸم بەەتٸن 91 مەديتسينالىق كوللەدج, 15 جوعارى وقۋ ورنى, 14 ۇلتتىق ورتالىق پەن عىلىمي-زەرتتەۋ ينستيتۋتى بار.
«مەدتسينالىق سالاداعى ستۋدەنتتەردٸڭ شەكٸرتاقىسى ورتا ەسەپپەن 30 پايىز, گرانتتاردىڭ قۇنى 43 پايىز ارتتى. اسا تاپشى ماماندىقتار بويىنشا گرانتتار سانى ٶستٸ. وسى جىلدان باستاپ مەديتسينا, پەدياترييا جەنە ستوماتولوگييا ماماندىقتارى بويىنشا ٷزدٸكسٸز ينتەگەراتسييالانعان بٸلٸم بەرۋ جٷيەسٸ ەنگٸزٸلۋدە», - دەدٸ اجار عينييات.
