© Sputnik / Aleksander Galperin
McDonald's Qazaqstandaǵy jumysyn jandandyrmaq. Bul týraly Sputnik Qazaqstan agenttigi habarlady.
"Biz jumysty jalǵastyrýdy josparlap otyrmyz. Kompaniia – iri jumys berýshi, qazaqstandyq naryqqa jaqynda ǵana engen brendti odan ári damytqymyz keledi. Qazirgi geosaiasi jaǵdailar bizge áser etedi, óitkeni biz – halyqaralyq brendpiz. Sondyqtan bizdiń maqsatymyz – óz qyzmetimizdi barlyq talap pen protsedýraǵa sáikes jalǵastyryp, ári qarai damytý", - dedi "Food Solutions KZ" JShS (McDonald's Kazakhstan) bas direktory Áset Mashanov.
McDonald's Qazaqstanǵa qatysty jaǵdai Caýda jáne integratsiia ministrliginiń tehnikalyq retteý jáne metrologiia komiteti memlekettik organdar, biznes jáne ulttyq kompaniialar ókilderiniń qatysýymen ótken onlain otyrysta talqylanǵan.
Atap aitqanda, taýarlardy kedendik resimdeýdi jedeldetý, sáikestik sertifikatyn, veterinariialyq sertifikatty alý máseleleri qaralǵan.
"Kelesi aptadan bastap jyl sońyna deiin alys-jaqyn shetelden taýar qabyldaimyz. Ókinishke qarai, kedendik rásimdeý protsesi kóp ýaqyt alady. Úrdisti barynsha jedeldetý qoldaý kórsetýdi suraimyz. Jasyl dáliz, keden jáne sertifikattaý organdarynan qujattardy jedel qabyldaýy syndy sharalar boiynsha qoldaý qajet", - dedi Áset Mashanov onlain otyrysta.
Óz kezeginde jergilikti óndirýshiler McDonald's Qazaqstanǵa óz ónimin jetkizýge daiyn ekenin atap ótti.
"Men birlesip jumys isteýdi usynar edim. Respýblikalyq zerthanalarda tekseristen ótip, sapaly ónim jetkize alatyn ózimizdiń qus fabrikalary bar. Logistika arzanyraq bolar edi. Óndirýshilerde barlyq sertifikaty bar", - dedi Qazaqstan qus ósirýshiler odaǵynyń tóraǵasy Rýslan Sháripov.
"Qazaqstannyń sút odaǵynyń" atqarýshy direktory Vladimir Kojevnikov kásipkerler yntymaqtastyqqa daiyn dep otyr.
