Májilis depýtattary – «Nur Otan» partiiasy fraktsiiasynyń músheleri Gúlnar Bijanova, Qudaibergen Erjan, Balaiym Kesebaeva, Berik Ospanov jáne Artýr Platonov praimeriz sheńberinde aimaqtardaǵy partiia konferentsiialarda pikirtalastarǵa qatysyp, eń kóp daýys jinady, dep habarlaidy "Ult aqparat".
Májilis baspasóz qyzmetiniń málimetinshe, aimaqtarda partiia konferentsiialary ótip, Májiliske partiialyq tizim boiynsha úmitkerler arasynda pikirtalas uiymdastyryldy. Olardyń qatarynda ózekti baǵyttar boiynsha jumysyn jalǵastyrý úshin kandidatýrasyn usynǵan Májilistiń qazirgi depýtattary da bar.
Atap aitqanda, Artýr Platonov Almatydaǵy áleýmettik máselelerdi sheshý jáne ekologiiany jaqsartý jónindegi ideiasyn usynsa, Berik Ospanov Shymkent qalasynda agroónerkásiptik keshendi damytý jáne otandyq kásipkerlerdi qoldaý máselesin kóterdi. Gúlnar Bijanova men Balaiym Kesebaeva Májilistiń Zańnama jáne sot-quqyqtyq reforma komitetiniń múshesi retinde Qaraǵandy jáne Qyzylorda oblystarynda sóz sóilep, qazaqstandyqtardyń ózekti máselelerin sheshý úshin zańnamany jetildirý taqyrybyn qozǵady. Sonymen qatar Qudaibergen Erjan Túrkistan oblysynda eldiń qaýipsizdigin jaqsartý úshin tiimdi dialog quryp, sanaly sheshim qabyldaý qajettiligine nazar aýdardy.
Pikirtalas barysynda Májilistiń qazirgi depýtattary ózderiniń zańnamalyq jumysynyń tájiribesin, halyqtyń ómir súrý jaǵdaiy men otandyq ekonomika salalarynyń ózekti máselelerin tereń biletinderin kórsetip, qandai da bir saladaǵy jaǵdaidy jaqsartý jáne jalpy óńirlerdi damytýǵa arnalǵan naqty usynys aitty. Sondai-aq, olar mańyzdy taqyryptar boiynsha syndarly bailanys qura biletindigin kórsetti.
Pikirsaiys qorytyndysy boiynsha Májilistiń qazirgi depýtattary eń kóp daýys jinap, óz óńirlerinen partiialyq tizimge endi.
