QR Parlamentiniń Májilisi «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrýlar engizý týraly» QR Zańynyń jobasy boiynsha qorytyndy ázirleidi, dep habarlaidy QazAqparat.
Atalǵan másele boiynsha Májilistiń jalpy otyrysynda sóz sóilegen Zańnama jáne sot-quqyqtyq reforma komitetiniń tóraǵasy Qanat Mýsinniń aitynsha, zań jobasy jol júrisi salasyndaǵy zańnamany jetildirý maqsatynda Parlament depýtattarynyń bastama jasaýymen ázirlengen.
«Zań jobasy júrgizýshiniń júrgizýshi kýáligi men Qazaqstan Respýblikasynda berilgen kólik quraly tirkeý kýáligin ózimen birge alyp júrýdi mindetteitin normany buzǵany úshin ákimshilik jaýapkershilikti alyp tastaýdy, sondai-aq kólik quraldarynyń keibir túrlerin paidalaný tártibin retteýge baǵyttalǵan. Komitet atalǵan zań jobasyn jumysqa alýǵa jáne ol boiynsha 2021 jylǵy 26 qarashaǵa deiin qorytyndy ázirleýge daiyn», - dedi Májilis depýtaty.
