Parlament Májilisiniń jalpy otyrysynda qaryz eńbekti retteý máselesi boiynsha ózgeristerdi qamtyǵan zań jobasy ekinshi oqylymda maquldandy, dep habarlaidy "Ult aqparat".
Aita keteiik, bul qujat 14 qazanda Májilistiń jalpy otyrysynda birinshi oqylymda maquldanǵan bolatyn.
Zań jobasy arqyly:
Qaryzy bar jumyskerlerge qatysty eńbekaqy tóleý salasyndaǵy kemsitýshilikti boldyrmaýǵa;
aýyr jumystarda, eńbek jaǵdailary ziiandy, qaýipti jumystarda isteitin qaryzdyq jumyskerlerge joǵarylatylǵan eńbekaqy tóleýge jáne olardyń aqyly qosymsha eńbek demalystarynyń uzaqtyǵyn saqtaýǵa;
sondai-aq qaryzdyq jumyskerlerdi basqa da áleýmettik qoldaý sharalarymen qamtamasyz etýge qajetti quqyqtyq negiz jasalyp otyr.
«Zańnamada «qaryzdyq eńbek» termininiń bolmaýyna bailanysty depýtattar zań jobasynyń ataýyn «Qazaqstan Respýblikasynyń keibir zańnamalyq aktilerine personal berý jónindegi qyzmetterdi kórsetý máseleleri boiynsha ózgerister men tolyqtyrýlar engizý týraly» dep ózgertýdi uiǵardy. Zań jobasynda 3 kodekske jáne 2 zańǵa ózgerister men tolyqtyrýlar engizý qarastyrylyp otyr», - dedi Májilim depýtaty Káribai Musyrman.
Zań jobasyn talqylaý jónindegi jumys tobynyń 8 otyrysy, sondai-aq bas Komitettiń keńeitilgen 2 otyrysy ótkizildi.
