Búgin Parlament Májilisiniń jalpy otyrysynda jańadan sailanǵan depýtattar ant berip jatyr, dep habarlaidy "Ult aqparat".
«Qazaqstan halqyna adal qyzmet etýge, Qazaqstan Respýblikasynyń tutastyǵy men táýelsizdigin nyǵaitýǵa, onyń Konstitýtsiiasy men zańdaryna qatań baǵynýǵa, depýtattyń ózime júktelgen mártebeli mindetin adal atqarýǵa ant etemin», - dedi depýtattar Májilistiń jalpy otyrysynda.
Eske salsaq, 7-shi shaqyrylǵan QR Parlamenti Májilisiniń tolyq quramy belgili boldy. Jańa Májiliste elimizdegi 3 saiasi partiia men Qazaqstan halqy Assambleiasynyń kandidattary mandatqa ie boldy. QR Parlament Májilisiniń tolyq quramy jasaqtaldy.
