Parlament Májilisiniń jalpy otyrysynda «Qazaqstan Úkimeti men Belarýs Úkimeti arasyndaǵy kóshi-qon salasyndaǵy yntymaqtastyq týraly Kelisimdi ratifikatsiialaý týraly» zań jobasy maquldandy, dep habarlaidy "Ult aqparat".
Qazaqstan Úkimeti men Belarýs Úkimeti arasyndaǵy kóshi-qon salasyndaǵy yntymaqtastyq týraly kelisimge 2019 jylǵy 25 qazanda Nur-Sultan qalasynda qol qoiyldy
Qujat aiasynda taraptar kóshi-qon, ekinshi tarap memleketiniń aýmaǵyndaǵy bir tarap memleketi azamattarynyń quqyqtaryn qorǵaý salasyndaǵy yntymaqtastyqty, onyń ishinde óz memleketteriniń zańnamalary men halyqaralyq mindettemelerine sáikes aqparattyq ózara is-qimyldy júzege asyrady.
«Birinshiden, statistika men aqparat almasýǵa múmkindik beredi. Ekinshiden, azamattar týraly jeke aqparat alýǵa bolady. Úshinshiden, eki el úkimetteri tájiribe almasyp, bir-birine praktikalyq kómek kórsetedi», - dedi QR Ishki ister ministri Erlan Turǵymbaev.
Sonymen qatar, kelisimde kóshi-qon salasyndaǵy qylmystarmen kúresýge qatysty qadamdar eskerilgen. Belarýs Parlamenti kelisimdi 2020 jylǵy 18 mamyrda bekitti.
«Jalpy, Ishki ister ministrligi kóshi-qon boiynsha 23 halyqaralyq kelisimdi bekitti. Halyqaralyq deńgeide taǵy da 9 kelisim daiyndalýda. Osy qujattardyń nátijesinde zańsyz kóshi-qon boiynsha aqparat almasý jolǵa qoiylady, adamdardy basqa elderge qaitarý máselesin sheshedi. Sonymen qatar, sheteldikterdiń Qazaqstanda bolý merzimi anyqtalady ári qos azamattyqqa jol bermeý tetikterin qamtidy», - dedi ministr.
