پارلامەنت مەجٸلٸسٸنٸڭ جالپى وتىرىسىندا «قازاقستان ٷكٸمەتٸ مەن بەلارۋس ٷكٸمەتٸ اراسىنداعى كٶشٸ-قون سالاسىنداعى ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
قازاقستان ٷكٸمەتٸ مەن بەلارۋس ٷكٸمەتٸ اراسىنداعى كٶشٸ-قون سالاسىنداعى ىنتىماقتاستىق تۋرالى كەلٸسٸمگە 2019 جىلعى 25 قازاندا نۇر-سۇلتان قالاسىندا قول قويىلدى
قۇجات اياسىندا تاراپتار كٶشٸ-قون, ەكٸنشٸ تاراپ مەملەكەتٸنٸڭ اۋماعىنداعى بٸر تاراپ مەملەكەتٸ ازاماتتارىنىڭ قۇقىقتارىن قورعاۋ سالاسىنداعى ىنتىماقتاستىقتى, ونىڭ ٸشٸندە ٶز مەملەكەتتەرٸنٸڭ زاڭنامالارى مەن حالىقارالىق مٸندەتتەمەلەرٸنە سەيكەس اقپاراتتىق ٶزارا ٸس-قيمىلدى جٷزەگە اسىرادى.
«بٸرٸنشٸدەن, ستاتيستيكا مەن اقپارات الماسۋعا مٷمكٸندٸك بەرەدٸ. ەكٸنشٸدەن, ازاماتتار تۋرالى جەكە اقپارات الۋعا بولادى. ٷشٸنشٸدەن, ەكٸ ەل ٷكٸمەتتەرٸ تەجٸريبە الماسىپ, بٸر-بٸرٸنە پراكتيكالىق كٶمەك كٶرسەتەدٸ», - دەدٸ قر ٸشكٸ ٸستەر مينيسترٸ ەرلان تۇرعىمباەۆ.
سونىمەن قاتار, كەلٸسٸمدە كٶشٸ-قون سالاسىنداعى قىلمىستارمەن كٷرەسۋگە قاتىستى قادامدار ەسكەرٸلگەن. بەلارۋس پارلامەنتٸ كەلٸسٸمدٸ 2020 جىلعى 18 مامىردا بەكٸتتٸ.
«جالپى, ٸشكٸ ٸستەر مينيسترلٸگٸ كٶشٸ-قون بويىنشا 23 حالىقارالىق كەلٸسٸمدٸ بەكٸتتٸ. حالىقارالىق دەڭگەيدە تاعى دا 9 كەلٸسٸم دايىندالۋدا. وسى قۇجاتتاردىڭ نەتيجەسٸندە زاڭسىز كٶشٸ-قون بويىنشا اقپارات الماسۋ جولعا قويىلادى, ادامداردى باسقا ەلدەرگە قايتارۋ مەسەلەسٸن شەشەدٸ. سونىمەن قاتار, شەتەلدٸكتەردٸڭ قازاقستاندا بولۋ مەرزٸمٸ انىقتالادى ەرٸ قوس ازاماتتىققا جول بەرمەۋ تەتٸكتەرٸن قامتيدى», - دەدٸ مينيستر.
