Foto:gov.kz
Búgin Májiliste Qazaqstan men Qytai arasynda mádeni ortalyqtar ashý týraly zań jobasy qaraldy dep habarlaidy "Ult Aqparat".
"Bul kelisim dostyq qarym-qatynastardy damytýǵa, mádeni-gýmanitarlyq saladaǵy almasý men yntymaqtastyqqa baǵyttalǵan", -dep otyr depýtat Janarbek Áshimjan.
Kelisimge sáikes eki memlekettiń mádeni ortalyqtary jiberýshi tarap akkredittegen jáne konsýldyq ornalasqan memleketiniń zańnamasyna sáikes jumys isteitin kommertsiialyq emes uiymdar.
Zań jobasy mádeni ortalyqtarǵa erkin barýdy jáne mádeni ortalyq ǵimaratynyń ishinde jáne syrtynda ótkiziletin is-sharalarǵa qatysýdy qamtamasyz etedi.
Atalǵan ortalyqtarda kino kórsetilimderi men kontserttik qoiylymdarǵa arnalǵan kópfýnktsionaldy zaldar bolmaq, bilim berý kýrstary, treningter, shyǵarmashylyq kezdesýler ótkizetin arnaiy keńistigi bar kovorking ortalyǵy bolady jáne kórmeler ótkizýge qolaily ekspozitsiialyq mýltimediialyq alańsha men elimizdiń týristik áleýetin kórsetetin arnaiy týrizm buryshy ornalasatyn bolady.
"Qazaqstannyń Qytaidaǵy mádeni ortalyǵy tarihymyzda alǵash ret ultymyzdy aspan asty eline keńinen tanytýdyń, eki el arasyndaǵy rýhani bailanysty jańa deńgeige kóterýdiń, ózara halyqaralyq mádeni-gýmanitarlyq jobalardy iske asyrýdyń iri ári tolyqqandy oshaǵyna ainaldyrý kózdelip otyr", -deidi QR Mádeniet jáne Aqparat ministri Aida Balaeva.
