Parlament Májilisinde QR keibir zańnamalyq aktilerine biýdjet zańnamasyn jetildirý máseleleri boiynsha ózgerister men tolyqtyrýlar engizý týraly zań jobasy birinshi oqylymda maquldandy, dep habarlaidy "Ult aqparat".
Parlament depýtattary bastamashy bolǵan zań jobasy biýdjet zańnamasyn jaqsartý jáne biýdjettik rásimderdi ońailatý, sondai-aq biýdjetaralyq qatynastardy jetildirý maqsatynda ázirlengen. Zań arqyly memlekettik tapsyrma tetigin jetildirý sheńberinde ákimshilerdiń memlekettik tapsyrma nysanynda oryndalatyn qyzmetter qunynyń baǵa belgileý ádistemesin bekitý kózdeledi.
«Sonymen qatar kórsetiletin qyzmetterdiń bir bóligin qosalqy merdigerlik uiymdarǵa berý boiynsha shekteý belgilenedi. Budan basqa biýdjetaralyq qatynastar sheńberinde óńirdiń áleýmettik-ekonomikalyq damýyna jáne onyń infraqurylymyn damytýǵa jer qoinaýyn paidalanýshylardyń aýdarymdaryn oblystyq máslihat belgilegen kiristerdi bólý normativteri boiynsha esepke jatqyzý usynylady», - dedi zań jobasyn oqyǵan depýtat Omarhan Óksibaev.
Sonymen birge zań jobasynda Biýdjet kodeksinen biýdjet protsesinde paidalanylmaityn arnaiy rezervti jáne shartty túrde qarjylandyrylatyn shyǵystardy belgileý tetikterin alyp tastaý kórsetilgen. Jumys tobyna kelip túsken usynystar múddeli ministrlikter men vedomstvolar, úkimettik emes uiymdar ókilderiniń qatysýymen jumys tobynyń úsh otyrysynda jáne Qarjy jáne biýdjet komitetiniń keńeitilgen otyrysynda qaralǵan. Parlament Májilisiniń barlyq komitetteri oń qorytyndylar bergen.
