QR Parlamenti Senatynyń tóraǵasy Máýlen Áshimbaev Memleket basshysynyń Májilis depýtattaryn kezekti sailaýdy taǵaiyndaý týraly sheshimine qatysty pikiri bildirdi, dep habarlaidy "Ult aqparat".
«Memleket basshysy Qazaqstan Respýblikasy Parlamenti Májilisi depýttarynyń kezekti sailaýyn taǵaiyndaý týraly sheshim qabyldady. Sailaý konstitýtsiialyq merzimge sáikes ótedi. Jalpyhalyqtyq daýys berý kelesi jyldyń 10 qańtarynda bolady. Kezekti sailaýdy taǵaiyndaý bul máseledegi aiqynsyzdyqty boldyrmaidy. Al sailaýdyń ózi demokratiialyq jańǵyrý turǵysynda qoǵamymyzdyń odan ary kezeń-kezeńimen damýy aiasyndaǵy mańyzdy satyǵa ainalýy tiis», - dep jazdy Senat spikeri Facebook paraqshasynda.
Sonymen qatar Máýlen Áshimbaev Qazaqstan Prezidenti óz úndeýinde jańa sailaý naýqany bastalǵanǵa deiin saiasi jańǵyrý, kóptariialyqty damytý jáne eldiń qoǵamdyq-saiasi ómirine azamattardyń qatysýyn keńeitý boiynsha sharalar qabyldanǵanyn atap ótkenine nazar aýdartady.
«Bul parlamenttik oppozitsiia institýtyn jáne partiialyq tizimge áielder men jastar úshin 30 paiyz kvota engizýge de qatysty. Tiisti zańdy Parlament qabyldady. El Prezidenti atap ótkendei, aldaǵy sailaý qoldanystaǵy zańnamaǵa sai ótetin bolady», - dedi Máýlen Áshimbaev.
